Maka-inherit ba ang adopted son?
Ang akong igsuon adunay adopted son kay wa man silay anak. Last month namatay ang akong igsuon.
Aduna siyay mga properties nga kabilin.
Ang akong pangutana kun maka inherit ba ang iyang adopted son?
Daghang salamat.
Nora
* * *
Dear Nora,
Kun legal ang pagka adopt, buot ipasabot nga miagi sa Korte ug adunay Decree of Adoption gikan sa korte, yes, maka inherit kaniya ang adopted son.
Kini tungod kay ang sinagop gikonsiderar kana nga legitimate child sa adopter.
Busa kun unsa ang mga katungod sa legitimate child, mao sab kana ang rights sa adopted child including the right to inherit.
Apan kun wa moagi sa korte ang pagsagup, or walay adoption decree, dili siya mamahimong maka inherit.
Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
