Paghari sa Dios

Basaha: Mt. 11;11-15

Nahimo kining project sa atong Ginoo sa iyang kapanahonan panahon sa iyang public ministry.

Mao nga ang unod sa iyang pagpanudlo ingon man ang mga Milagro (Healing and Nature Miracles) ang nakasentro man ning maong pagtulon-an.

Matud pa sa mga theologians nga ang Paghari sa Dios already but not yet.

Already tungod kay gisugdan naman kini sa atong Ginoo, not yet tungod kay anaa pa man kini sa process of becoming diin kita ang gihagit nga manginlabot niini. Ang paghimo og maayo dinhi sa yuta mao man ang pagsinati sa langit dinhi diha sa konteksto in the here and now.

Sa atong pagkinabuhi dinhi sa kalibutan, gidapit kita nga mohimo og usa ka mahinungdanong pagpili. Ang pagpili kun kinsang haria ang atong sundon. Ang pagpili kun unsang gingharian ang atong alagaran ug labanan.

Ang gingharian ba sa Dios o ang Gingharian sa kalibutan. Bisan kun anaa pa kita sa kalibutan, wala man kini magpasabot nga kalimtan nato ang bisan unsang langitnon.

Matud pa ni Santa Teresita sa batang Jesus nga iyang sination ang langit pinaagi sa paghimo og maayo dinhi sa yuta.

O Dios matuman unta ang imong pagbuot dinhi sa yuta maingon nga gituman kini didto sa langit.