Ang tawo walay pagka kontento

Dili pa lang dugay nahitabo ang katalagman. Daghan ang naapektohan. Sugo sa dakong tinguha nga makatabang daghan ang mga tawo ang nihimo og mga mahinungdanong mga lakang aron makahatag ug makapaambit bisan kun diyotay apan kinasingkasing ngadto kanila nga naapektuhan.

Gani ang atong local nga simbahan ubos sa pagpangulo ni Arsobispo Alberto Uy ang nidasig sa CARITAS INC uban ni Padre Alex Cola nga mohimo gyud ning maong hatag paglaum program pinaagi sa mga relief goods intended alang sa mga biktima.

Adunay mga pribadong indibidwal ug kompaniya ang nipaambit usab sa ilang kaayo sa mga hingtungdan. Daghan tinuod ang nalipay ug daghan ang nagmapasalamaton. Apan sa laing bahin, dili ikalimod nga daghan gihapon ang nahimong diskontento ug nagbagulbol ngano nga wala maapil ug daghan gihapon ang moingon nga dili fair ang pagpangita sa hataganan sa ayuda.

Mao kini ang akong panahom:

1.  Angkonon nato nga limitado ra gyud ang tanan. Lakip na ang resources ingon man ang pamaagi.

2. Dili kita mesiyas busa dili gyud nato maluwas ang tanan labina kun kita mismo nga hingtungdan luwasonon pud.

3. Ang ayuda mindset maoy hinungdan kun nganong human sa katalagman daghan ang dili maningkamot aron makabangon sa kaugalingon kay lagi magsalig man sa gobiyerno ug sa mga Charity Institutions.

4.  Ang unang motabang sa atong kaugalingon mao man ang hingtungdan. Lihok tawo kay tabangan ko ikaw.

Sa atong pagpadayon sa atong panaw atong hinumdoman nga angayan kitang magpasalamat sa bisan unsa nga gihatag nga panalangin ug dili magbagulbol kaya ng tanan apektado busa ang tanan maningkamot