Magbinantayon sa kanunay

Kini ang atong angayan nga hunahunaon matag adlaw. Walay kasegurohan ang tanan.

Kini tungod kay dunay mga panghitabo nga usahay dili sakgaw sa atong gahom.

Lakip na niini ang disgrasya. Sama sa nahitabo sa akong mga lay ministers nga saw ala damhang hitabo ang nakasugat intawon og disgrasya sa kadalanan sa pangilin mismo sa Imaculada Concepcion.

Unta makalingkawas sila niini ug mamaayo sila.

Diha sa atong panaw mahinungdanon gyud ang pagkamabinantayon.

Kay bisan gani diha sa atong pag-amping usahay mahisugamak kita sa mga danghag nga usahay mao pay hinungdan sa atong kamatayon.

Dunay mga butang nga lisud kaayo usbon ug malisud tuod dawaton apan wala kitay laing mahimo gawas sa pagdawat niini. Ug kun unsay mahitabo man gani mamahimo kitang andam.

Sa atong panaw sa kinabuhi maningkamot kita nga mamalandong sa atong mga desisyon ug pagpili.

Maghunahuna sa makadaghan sa dili pa mohimo og desisyon.

Sama sa pagmaneho atong ihatag ang kinatibuk-an sa atong kaugalingon aron mamahimo kitang andam sa  pag-ampo usab. Bahala nao g hinay apan Seguro. Kaysa paspas apan delikado.

Kausa ra kita moagi ning kalibotana busa atong gamiton ang atong kinabuhi sa tarong nga paagi ug dili sa pag-usik niini.

Dili pud unta kita ang hinungdan aron mamahimong mabutang sa kakuyaw ang kinabuhi sa uban.