Candidacy to the Holy orders

Adunay imbitasyon sa usa sa mga 4th year theology seminarians sa Seminario Mayor de San Carlos ug akong parokyano kay lagi Candidacy to the Holy Orders.

Wa sab ko magdahom nga kauban usab nila ang akong paisano nga si Kri Kri.

Kalipay ko nga dunay laing Catmonanon usab nga mapari sunod namo.

Akong mga pag-ampo ug pahalipay.

Apan dunay mga angayang pamalandongan ni bisan kinsa nga mosubay sa dalan sa pagkapari.

Ug kini naglangkob ning mosunod:

1. Dili na ikaw ang tag-iya sa imong panahon. Panag-iyahon na kini sa Ginoo ug sa Simbahan.

Nga sa ato pa pryoridad nimo ang simbahan ug dili ang imong kaugalingon.

2. Adunay mga butang nga angayan nimong I give up alang sa gingharian.

3. Alagari ang Dios dili lang diha sa mga hawanang Sagrado kondili sa mga kaigsuonan nga mga kabus kay ang Dios dunay dakong paghigugma sa mga kabus.

Dili sila pakapin kondili mahinungdanong kabahin sa atong pagka simbahan.

4 Ang pagkapari dili propesyon kondili bokasyon. Tawag kini 24/7.

Dili ka lang sulugoon panahon sa misa kondili gani mismo sa imong pribado nga kinabuhi.

Akong mga panghinaut nga bisan unsang mga pagsulay nga mohasmag sa kinabuhi isip pari puhon magpabilin unta silang madasigon ug malig-on alang sa Ginoo.