Mamahimo bang tangtangon sa nag-abang ang improvements?

Dear Atty. Divine,

Nag-abang ko og office space. Upat ka tuig ang among kontrata ug mo end na kini next month. Apan dili na mahimong i-renew kay gamiton na sa tag-iya ang space. Naa koy gipamutang nga improvements sama flooring nga gihimong granite, cabinets, counter top ug aduna sab koy gitaud nga mga mahalon nga suga. Ang akong pangutana atty kun kining improvements sa akong giabangan,  pwede ba ba nako ni tangtangon? Or pabayran nako sa lessor?Daghang salamat.

Elly

* * *

Dear Elly,

Basi sa atong New Civil Code sa Article  1678, kini nagkanayon nga kun ang lessee dunay gihimo nga mga improvement sa  iyang giabangan nga property  nga wa maka alter ug wa makadaut sa property then ini’g tapos sa kontrata, ang lessor mamahimong mobayad og katunga ngadto sa lessee sa iyang nagasto sa maong improvements.  Apan kun di mobayad ang lessor then ang lessee mamahimo nga motangtang sa bisan unsang improvements nga iyang gihimo sa property. Busa ang maayo nimong buhaton mao ang pagpakigsulti sa lessor kun andam ba siyang mobayad og katunga sa imong nagasto sa improvements, kon di siya mobayad then you as a lessee dunay option sa pagtangtang sa imong improvements sa property provided nga di sab kini makamugna og damage sa property sa lessor. Kanang granite nga sawog maglisud ka sa pagtangtang niana apan ang uban pwede ra nimong tangtangon. Thank you and God bless. -- Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.