Ill-gotten wealth

Una sa tanan, atong kutluon kining ruling sa Supreme Court, sumala sa napatik sa The Philippine Star nga nagkanayon: “Wealth acquired by a public official that clearly exceeds the lawful income is presumed ill-gotten and may be forfeited, even if registered under the names of other individuals.” So, ang matawag nga pinaspasan nga katigayunan, nga klaro nga subra o lapas sa kinitaan (income) sa usa ka public official isipon nga ill-gotten, bisan kon narehistro sa ubang mga ngalan. Ug kini mahimo nga ma-forfeited o ma-sequestered.  Literally, ang ill-gotten wealth, sumala sa google, maisip nga dirty money, stolen wealth, unlawful, tainted assets, ug mga fraudulent earnings nga na-acquired through “dishonest, unethical, or illegal means.” Kon aduna kay pinaspasan ug gitaguan nga bahandi, kinahanglan dili kini ma-“manifestly out of proportion to your lawful income,” sumala sa RA 1379. Usahay ra ba, ang imong lifestyle, mao ray maka-uncover ug  makabutyag sa illegal nimong mga binuhatan.

* * *

Mga abusadong dispatcher ug operator sa pier. Sumala sa napatik sa The Freeman, ato kining kutluon: “Cebu City Mayor Nestor Archival has ordered an expanded crackdown on abusive dispatchers and illegal operators across the city’s transportation hubs.”  Labina sa pier area nga ang mangabot nga mga pasahero sa barko, hasulon niining maong mga dispatcher ug operator, nga ang pantalan sa Sugbo (main port) gi-described ni Archival as in ‘complete chaos’.

Lungkobon ang imong kargamento, dad-on ka sa naghuwat nga taxicab, nga mo-charged kanimo’g mahal kaayo. Ang dispatcher mangayo dayon og ‘service fee.’ Hayahay kaayo. Crackdown, sumala sa diksiyonaryo, “Is a serious attempt to punish people for doing something that is not allowed; an increased effort to enforce a law or rule.”Hinaut molampus si Archival niining pag-crackdown sa mga abusadong dispatcher ug operator sa pier area, aron mahapsay ug magmalinawon na ang Cebu Port Authority complex.  “This is a challenge to all of us. We want our people and visitors to feel safe the moment they arrive in the City of Cebu. Dili nato tugotan ang pagpang-abuso sa mga pasahero,” nagkanayon si Archival.

* * *

Niay nindot nga balita, kon mahinayon: Salinas City, California to join Sinulog 2026. Tingali mahibulong kamo nga dunay Salinas Drive dinhi sa atong siyudad. Kini gumikan sa 50 na ka tuig nga sisterhood relationship sa atong dakbayan ug sa Salinas City, kini, matud ni Reynaldo Martires, consultant sa Salinas City-Cebu City Sisterhood International. Kining maong pagsalmot sa Sinulog grand parade, nagpukaw sa dugay nga sisterhood relationship sa duha ka dakbayan. “The renewed initiative follows a series of engagements led by Halie A. Martinez, president and chairman of the Salinas–Cebu City Sisterhood International, who recently met with Cebu City Mayor Nestor Archival to discuss reactivating the partnership. The collaboration aims to open opportunities in agriculture, culture, innovation, and technology,” pamahayag ni Martires. Sa iyang suwat ngadto ni Mayor Archival, Si Mayor Dennis Donahue, sa Salinas City, “emphasized the importance of reconnecting with Cebu City, their oldest sister city partnership established nearly five decades ago.”Kining ilang pagsalmot sa Sinulog grand parade, makadugang sa kasadya sa kasaulogan sa Pit Senyor 2026.