Mamahimo bang ibaligya ang property nga naka prenda?

Dear Atty. Divine,

Ang akong igsuon adunay yuta nga naka prenda. Aduna pay nahibiling 3 years sa ilang pagbayad sa utang ngadto sa ilang giprendahan. Apan plano unta niyang ibaligya ang property kay nagkinahanglan siya og kwarta tungod kay nagsakit ang iyang anak. Mamahimo ba niyang ibaligya ang maong property bisan kun kini nakaprenda? Daghang salamat.

Ernest

Dear Ernest,

Yes, mamahimo niyang ibaligya ang property bisan kun nakaprenda. Apan kinahanglan sab nga iyang pahibaw-on ang giprendahan labot sa iyang plano og kinahanglan sab nga bayran niya ang nahibilin niyang utang ini’g kahalin na sa property. Mamahimo sab nga iyang i offer sa giprendahan pamasin nga interesado sab kini nga mopalit sa property. Kun dili mopalit ang giprendahan then iya kining i offer sa lain. Basta ang importante, bayran gyud niya ang giprendahan sa nahibilin niyang utang kon mahalin na kini. Thank you and God bless!

Atty. Divine

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.