Mayor Gullas

CEBU, Philippines — Talisay City nakignegosasyon sa kabalhinan sa mga biktima sa bagyo

Nagpadayon ang negosasyon sa kagamhanan sa Dakbayan sa Talisay ngadto sa mga lugar nga kabalhinan sa mga apektado sa baha atol sa bagyong Tino.

Kini maoy gibutyag ni Mayor Gerald Anthony “Samsam” Gullas, J..

Gibutyag ni Gullas nga aduna nay suwat gikan sa Mines and Geosciences Bureau (MGB) kini kabahin sa dapit diin ipatuman ang no build zones.

Ug gumikan niini si Gullas nimando sa local housing aron pakig-estoryahan o pasabton ang mga naapektohan lakip na sa matabang sa siyudad ngadto kanila.

Matud ni Gullas nga una nila nga gihimo mao ang pagkonektar sa apektadong pamilya ngadto sa pribadong indibidwal nga nanag-iya og luna.

Ipatuman ang Direct Negotiation Installment Program (DNIP) diin ang siyudad maoy magsilbing mobilizer sa matag habig.

Si Gullas nagkanayon nga aduna na sila’y mga sakop sa urban poor nga anaa na sa pribadong pinuy-anan diin direkta na sila nga nagbayad.

Aduna usab sila’y relocation sites nga gipanag-iya sa siyudad apan anaa kini sa kabukiran.

Ang siyudad naminaw kini sa mga yangu-ngo sa kadaghanan.

Gawas niini, aduna usab sila’y paagi nga mangita og pribadong luna nga nagpaabang ug ang siyudad maoy makigsabot aron sila sa ang mohikotar sa bayranon sulodd sa pila ka buwan aron makabaton na og kapuy-an ang mga apektadong pamilya. BDB BANAT NEWS