Naluwas sa baha pero napilde sa leptospirosis

Human sa flash flood nga nasinati sa katawhan mugna sa Bagyong Tino nga nakagusbat sa mga kabtangan ug nakakalas sa daghang kinabuhi sa Sugbo, ang epekto niini sa panglawas nagsugod pa lang ang leptospiroris. Daw gibalewala kini sa kinabag-an kay lagi nakatutok kon unsaon pagbangon gikan sa nasinating katalagman.

Angayan nga masayran sa tanan kong unsa ka seryoso ang hulga sa leptospirosis karon kay natapos na ang incubation period busa magdahum nalang ang katawhan nga daghan ang mataptan ug naa gyud ganiy mga namatay. Naluwas lagi gikan sa kabangis sa baha apan napilde sa balatian. Kini ang nahitabo sa 27-anyos nga taga Barangay Cansojong Dakbayan sa Talisay nga si Jerwin Carl Abellana.

Dali ra kaayo gikutlo ang iyang kinabuhi sa sakit gikan sa ihi sa ilaga, Nobiyembre 13 gihilantan siya ug baskog pa nga gidala sa private hospital sa Minglaniila pero igo ra sila gihiresitahan. Wala man maayo hinungdan nga nagpadala siya sa private hospital sa Cebu City pero nag-yello na ang iyang mata.

Bisan og baa na aa kritikal ang kahimtang ni Jerwin nakahimo pa kini sa pag-estorya hangtud nagkaluya ug namatay Nobiyembre 16. Ang finding sa doktor nataptan siya sa leptospiroris. Matud sa kapuyo ni Jerwin nga si Berna giatake na sa leptos ang kidney ug baga niini ug wala gyud kasugakod.

Gitug-an sa partner niini nga gipahimangnoan niya nga motumar og prophylaxis human miubog sa baha labi na kay dunay hubag ang iyang mga tiil. Apan wala maminaw ug gibalewala ang peligro sa sakit ug niresulta gyud sa iyang kamatayon.

Mamahimong moinom og tambal human miubog sa baha isip pang alkontra sa leptospirosis ug kadtong adunay mga symtoms seguradohon gyud nga dalion sa pag adto sa hospital kay duna pay tsansa nga maluwas.

Nihit karon ang prophylaxis sa leptospiroris apan mas maayo modangop sa mga rural health unit ang mga tawo aron madali sa pagtabang. Sa tinuod lang ubay ubay na ang nataptan ug naa na usay mga nakalas diin nagpakita lang kong unsa ka seryoso ang sitwasyon karon.

Ang Cebu Provincial Capitol ang umol og Task Force Leptospirosis kay gipanglantawan na nilang daan ang pagtaaa sa numero sa mga mataptan. Nakig alayon dila sa DOH ug mga private hospitals nga magbutang og lane alang sa dali nga pag atiman sa mga severe cases sa balatian. Unahon nato ang atong panglawas aron kita maluwas, unsaon man? Dili mokompyansa ug maneguro nga makatumar og tambal. Kadtong gipanghilantan, nanakit ang bagtak ug luya kaayo ang lawas ayaw na paglangan adto na sa tambalanan aron dili mapilde sa balatian.