Panik

Naghuot sa mga dagkong tindahan ang mamalitay og mga disaster kit o kagamitan alang sa pagpangandam sa pag abot sa bagyong si Tino. Bisan ang mga opisyal ug mga kawani sa mga lokal nga kagamhanan dinhi sa dakbayan sa Sugbo nag abot sa mga tindahan aron mamalit sa kagamitan sa ilanf tagsa-tagsa ka mga disaster unit.

Ang problema kay nahotdan na sila. Sa Ace Hardware sa SM Seaside nag ilogay abg mamalitay ig emergency lights samtang sa Belmont Hardware nag ilog sa bahabilin nga generator set ang duha ka kustomer.

Sa tubigan atong nakita ang taas nga linya sa mga namalit og tubig bisan asang tubigan nga among naagian taas gayod ang linya. Maayo sila kay may ikapalit maong naapil sa panick buying. Ang wala intawon ikapalit igo ra sa pagpanick wala silay buying.

Sa moabot nga katalagman kanunay gyod nga mosantop dayon sa atong hunahuna ang pagpangandam apan ang anaa na sa atong hunahuna nga pagpangandam mababagan sa kakuwang sa salapi.

Ang atong mga kasinatian sa mga bagyo igo na nga makapahinumdom nato sa pagpangandam apan nahimong balabag niini ang kawadon sa tawo.

Samtang nangandam kita sa pag abot sa bagyo dili pod unta nato kalimtan ang pag-ampo sa kahitasan nga sa taas lang moagi ang hangin sa bagyo ug dili lamang unta kini mitugdon sa yuta. Walay kumo sa pag ampo.

Ang direksiyon sa bagyo paingon sa northern part sa Sugbo nga una nang giigo sa kusog nga linog. Gani, wala pa moundang ang pagtayog sa yuta sa maong dapit ug karon nagpaingon napod kanila ang bagyo.

Dakong hagit karon sa mga lokal nga opisyal sa dapit ang pagpahiluna sa ilang katawhan nga nagdasok na sa mga Tent City ug evacuation center nga naigo na og linog.

Mosugot man kita ug sa dili wala na kitay mahimo sa kinaiyahan. Busa dawaton ug atubangon nato kini sa walay pagkusmod. Amping nalang ug ampo.