Mahimo bang ibaligya ang property sa mga minor de edad?

Dear Atty. Divine,

Ang bana sa akong igsuon namatay og aduna silay duha ka anak nga pulos minor de edad. Adunay gibilin nga mga properties ang namatay ug karon ila nang gi-process ang pag-transfer niini ngadto sa pangan sa nahibiling asawa ug mga anak. Apan plano unta sa akong igsuon nga magbaligya og portion sa ilang yuta aron aduna siyay magamit alang sa gastuhan sa mga bata. Ang akong pangutana kun mamahimo bang makabaligya og portion sa property ang akong igsuon bisan kun mga minor de edad ang ubang mga tag-iya niini? Daghang salamat and God bless! -- Lyca

Dear Lyca,

Yes, mamahimong makabaligya og portion sa property ang imong igsuon bisan kun mga minor de edad ang ubang tag-iya niini. Generally, ang minor de edad dili mamahimong makapirma og bisan unsang dokumento ilabi na gyud sa Deed of Absolute Sale. Apan mamahimo silang representahan sa ilang mga ginikanan. Sa kaso sa imong igsuon, siya maoy inahan sa mga bata busa siya ang natural guardian kanila, ug siya ang morepresentar kanila sa pagpirma sa Deed of Absolute Sale kon magbaligya siya og portion sa property. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.