Parade of Saints

Sa akong pagtagik niini nahimong busy kaayo ang parokya ingon man ang mga batan-on sa pagahimoong Parade of Saints. Props making, practices, technical rehearsals ug uban pa.

naghunahuna pud sa mga angayang pagabuhaton alang sa premyo ug pahalipay sa tanang naghago.

Kining maong kalihokan maoy tukmang kalihokan sa atong pagsaulog sa Todos los Santos kun ang Adlaw sa tanang mga Santos.

Apan ang commercial nga kalibotan nagsaulog niini pinaagi sa mga horror movies, trick and treats. Ingon man ang pagpasul-ob sa atong mga kabataan og mga sapot kun bisti sa mga demonyo ug uban pang mga makalilisang mga linalang.

Apan sa tinuoray lang, ang Halloween originally pagsaulog man sa mga balaan sa atong simbahan, natagik man o wala sa atong Roman Martyrology.

Apan ang nakadaut lang kay daghanan sa mga tawo ang nahimong mapangahason pinaagi sa paghimo og mga ritwal nga nagtawag sa mga demonyo ug mga impakto.

Kay alang kanila ang thrilling man ang spirit of the glass, ghost hunting, movie marathon sa mga horror movies ug pagduwa sa bloody mary.

Ang parada sa mga Santos usa man ka dakong hagit alang kanatong tanan nga dunay mga tawo diha sa atong kasaysayan isip simbahan nga nagpuyo sa balaanong panig-ingnan nga angayan natong sundon aron sa ilang kinabuhi kita magiyahan padulong sa Diosnong Gingharian. Amen.