^

Banat Opinyon

Unsaon pagsuta kun genuine ba ang pirma sa dokumento?

LEGAL CORNER - Atty. Divine Flores Marcial - Banat

Dear Atty. Divine,

Adunay kabilin nga mga property ang among mga ginikanan. Wa dayon ma-asikaso ang pagbalhin niini ngadto sa among pangan tungod sa mga bayranan sa taxes. Karon amo nang gisugdan sa pag-process, apan adunay laing claimant nga mitumaw sa usa sa among yuta. Matud pa sa claimant nga ilang napalit ang property sa wala pa namatay ang among mga ginikanan. Amo siyang gipangayoan og kopya sa Deed of Absolute Sale ug misaad kini nga hatagan kami og kopya. Unsay angayan namo nga buhaton aron pagsuta kon genuine ba ang pirma sa maong Deed of Absolute Sale? Daghang salamat. -- Ricky

Dear Ricky,

Ang una ninyong buhaton, inyong itandi kon ang pirma sa Deed of Absolute Sale pareho ba sa pirma sa inyong mga ginikanan. Inyo kining masuta pinaagi sa mga ID sa inyong parents nga adunay pirma nila. Inyo sab tan-awon kon notarized ba ang maong dokumento, kon notarized gani, mangayo mo og laing kopya ngadto sa abogado nga nagnotaryo o sa Office of the Clerk of Court diin nahisakop ang maong notary public. Tan-awon sab ninyo kon kinsay mga testigo sa pagpirma sa maong Deed of Absolute Sale og mamahimo kini ninyong ipangutana kanila kun nakakita ba gyud sila sa inyong mga ginikanan nga mipirma sa maong Deed of Absolute Sale. Kun nagduda mo nga gi forged ang signature sa inyong mga ginikanan, kinahanglan nga inyo sab kining pamatud-an. Usa sa mga pamaagi pagprobar kon genuine ba ang pirma mao ang pagpa-eksamin sa doukumento ngadto sa usa ka handwriting expert. Mamahimo sab nga inyong ipatan-aw sa tawo nga familiar sa pirma sa inyong mga ginikanan sama sa accountant, or lawyer. Kinahanglan nga mopresentar mo og convincing nga mga testigo aron inyong mabawi ang property pinaagi sa pagpasaka og kaso ngadto sa korte. Thank you and God Bless! -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

DOCUMENT

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with