Nangilad na sad

Sa dayon nang biyahe ni President Bongbong Marcos Jr. (PBBM) para sa iyang state visit sa Cambodia, sa iyang podcast, atubangan sa iyang cabinet members ug media, siya nagbilig mensahe sa katawhan, diin nahimo siyang emosiyonal ug wala kapugngi ang pagpanglugmaw sa iyang mga mata.

Aniay kabahin: “Yes, because I am very upset. I see people having a hard time and they don’t deserve it!” Agig tubag niya kang journalist Vicky Morales kon nakahilak ba gyod siya tinuoray sa mao niyang pagpakigpulong.

“Mabuti kong masamang tao yan.

Dapat parushan. Hinid naman, eh. Walang ginagawa yan kung di magtrabaho.

Kung hindi, mahalin ang pamilya. But they are not! Ba’t mo paparusahan?

Just to enrich yourself? That makes no sense to me.”

Nanglimbawot akong mga balhibo samtang nagtan-aw ni PBBM nga padayong miyawit sa susamang tuno sa script niadtong mga script nga iyang gipangtamdan sukad pa sa 2022 election campaign period hangtod karon, diin bisan usa na lang, wala koy nakitang natuman sa iyang gipangsaad.

Ug tungod kay ‘One word is enough for a wise man.’ man ko, wala na gyod ko mosalig ni PBBM dihang wala niya tumana ang gikasabotan nila ni Vice President Sara ‘Inday’ Z. Sara, diin si PBBM misaad iyang ipadayon ang war on drugs and corruption ni kanhi Presidente Rodrigo Roa Duterte.

Tiaw bay, sa paglingkod pa lang niya sa Malakanyang, gipapha gilayon niya si Bucor Chief, General Gerald Bantag, best war on drugs warrior ug gipulihan ni Bantag, walay ayong lider?

Kon ikaw, PBBM, tinuorayng nagmahal sa mga kabos, isurender imong kaugalingon alang sa usa ka public hair follicle drug test, buwahan masayran kon wala ka ba magumon sa gidiling drugas.

Imprtante sa timonel sa nasod nga iyang imatuod nga himsog ug wala pa maluag ang tuwerka sa iyang panghunhahuna para sa nasudnong seguridad.

Hatagi silag tarong kapanginabuhian, pakan-ag husto, hatagig hustong edukasiyon, hatagig kapuy-an ug labaw sa tanan, ikaw mismo, paimbestiga kon hain-asa mopaingon ang binilyon mong confidential funds?

Hasta House Speaker Martin Romualdez, Rep. Zaldy Co ug tanang kongresista paimbestigahi sab sa binilyong flood control projects, nganong nahimong ghosts?

Sige man hinuon kag pamakak-drama-drama. Intawon, hunong na, uy!