Mamahimo bang paliton ang giprenda nga yuta?

Dear Atty. Divine,

Ang among ginikanan, giprendahan og yuta. Ang nagprenda adunay huwam nga P300,000 ug ang ilang yuta ang gihimong collateral.

Payable for 5 years ang maong utang ug mi due na kini last year pa. Ang nagprenda mi offer nalang  sa akong mga ginikanan nga ibaligya nalang daw nila ang property. Ang akong pangutana kun mamahimo bang paliton sa akong mga ginikanan ang yuta nga giprenda ngadto kanila? Daghang salamat.

Lisa

* * *

Dear Liza,

Yes, mamahimong paliton sa imong mga ginikanan ang giprendang yuta kun gi offer kini sa tag-iya sa yuta.

Ang mahitabo niini, kun pila ang pagbaligya, i-deduct nlang sa selling price ang kantidad sa ilang utang og human niini magpirmahanay sila og Deed of Absolute Sale. Ang gidili lang sa  Article  2085 sa atong Civil Code  mao kining practice sa ubang creditor nga kun dili makabayad ang nangutang, automatic ila nang angkonon og itransfer ang ownership sa butang nga gi pledge o gi mortgage  kanila sama sa yuta.

Kay ang saktong proseso niini,  kon di makabayad ang nangutang kinahanglan  nga  i-foreclose  ang property og dayon i-public auction og ang proceeds niini maoy ibayad sa utang.Thank you  and God bless!

Atty. Divine

* * *

Alang sa inyong pangutana, palihug lang  sa pag email sa [email protected] ug akong tubagon ang inyong pangutana pinaagi sa akong column.