Pagpamugos kaamgid ra sa pagpanglugos

Niay angay hinuktokan. Pag-ingon ni kanhi Justice Secretary karon Ombudsman Boying Remulla nga sayon rang taktakon si kanhi former Bucor chief General Gerald Bantag sa puwesto, kinsa usa ka tinuoray’ng Duterte war on drugs’ warrior, kini natuman.

Dihang siya mipasiatab nga madayon ang pagtugyan ni kanhi Presidente Rodrigo Roa Duterte (PRRD) ngadto sa International Criminal Court, kini natuman.

Unya, dihang misulti siya nga ma-impeach si Vice President Sara ‘Inday’ Z. Duterte, na-impeach g’yud kini sa Kongreso. Ingon niini kagamhanan si Boying.

Maayo na lang, kay pag-abot niini sa Senado, aduna pay pipila ka mahadlokon sa Diyos nga senadores ug sa Korte Suprema, pulos anghel tanang mahistrado, kinsa mipakanaog sa pinale nilang desisyon, nga ang pag-impeached ni Inday sa Kongreso, unconstitutional-illegal. Busa, nabasura.

Sanglit, pakyas man ang administrasiyong Marcos pag-demolish ni Inday gamit ang scripted nilang Plan A: (Planted P125M-Confidential Fund), Plan B: Pagpa-impeach ni Inday sa Senado ug Korte Suprema, ania na pod sila sa ilang ikatulong duso, Plan C: Paghimog Ombudsman ni Remulla aron hingpit mapapas sa politika tanang Duterte.

Apan wala kini makapaluya ni Boying, kinsa mipakitag pagpamugos gamit iyang pagkagamhanan ug dili mohunong hangtod dili siya mahimong Ombudsman. Karon nahimo na gyud siyan Ombudsman.

Hoy, mga magbabalaod, labi na atong kapolisan-kasundalohan, mangiyugpos ba lamang gihapon kamo? Intawon, salbara atong nasud!