Kanus-a dapat mo execute og Deed of Absolute Sale ang seller?

Dear Atty. Divine,

Aduna koy pangutana labot sa akong property nga paliton pinaagi sa bank loan. Matud sa prospective buyer nga gi-process na ang iyang bank loan ug once ma appraise na sa bank ang property, mobayad na siya sa down payment. Ug ang remaining balance, ang bangko na ang mobayad apan kinahanglan daw ko nga mo-execute daan og Deed of Absolute Sale bisan kun wa pa ko mabayri in full ang property aron daw i-release sa bank ang iyang gi-loan. Ang akong pangutana kun angayan ba nga mo-execute ko og Deed of Absolute Sale bisan kun wa pa ko mabayri in full? Daghang salamat. —Chris

Dear Chris,

Ang normal process gyud kun magbaligya ka og property, mo-execute lang ang seller og Deed of Absolute Sale kun hingpit na siyang mabayran in full sa property nga iyang gibaligya. Busa ini’g bayad sa down payment sa buyer, ang inyong pirmahan mao lang ang Contract to Sell. Ang Deed of Absolute Sale pirmahan lang kini kun bayran na ka sa bangko in full. Wa ta masayud kun unsay paagi sa mga bangko, busa mas maayo nga adto gyud ka sa bangko mismo mangutana kun mo-require ba sila nimo sa pagpapirma og Deed of Absolute Sale bisan wa pa ka mabayri in full aron ilang ma-process ang pag-release sa loan amount. Ang bangko ra gyud ang makahatag og katin-awan labot sa ilang mga pamaagi. Thank you and God bless. —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.