Tinud-anay nga isi'g ka tawo

Basaha: Lk. 10:25-37

Ang Jerico anaa gihapon hangtud karon. Mga 2,000 years old na ning maong siyudad hangtud karon. Salamat sa Dios nakaadto ko ining dapita sa dihang naghimo ko og pilgrimage sa Holy Land.

Matud pa hilan kining dapita labina kanila nga magbiyahe nga magbinugtong niadtong unang panahon.

Kini tungod kay anaa dinhi nagtago ang mga tulisan. Kasagaran ang maong mga tulisan magpaaron nga gitulis ug kun tabangan nila ang gitulis molugwa ang mga back up niini aron nga ikaw nga nitabang ang mahimong biktimahon. Nganong ang pari ug levita wala man motabang?

Tungod kay padulong sila sa Jerusalem alang sa usa ka liturgical celebration. Ang bisan unsang dugo nga mahikap o patay nga mahikap makapahimo kanilang mga ritually impure busa dili sila matugtan nga moapil sa bisan unsang kasaulogan.

Sa laing bahin, ang Samaryanhon (tingali dunay daghang kuyog) ang nitabang sa maong gibanhigan bisan pa man kun ang mga Judio ug ang mga Samaryanhon walay maayong kabubut-on.

Apan bisan pa man ning maong babag ang maong Samaryanhon nitabang sa gihapon.

Nagpaila lamang kini nga maayo siyang tawo ug giisip niyang igsuon.

Ning panahon sa katalagman ug krisis unta dili nato igsapayan ang atong kalainan ug politikanhong bulok.

Daghan sa atong mga kaigsuonan ang nagkinahanglan.

Ang ginagmay ug kinasingkasing tabang dako og kahimoan aron magaan gaanan ang sakit nga ilang gipas-an. Ning paagiha gipakita nato nga kita mga igsuon nila.