Nagbuhat lamang sa among katungdanan

Isip sulugoon kita naghimo sa atong mga buluhaton segun sa gisangon kanato. Isip sulugoon wala kita mag-apas nga hibaslan o gantihan. Kini tungod kay ang atong gialagaran mao man ang atong magtutudlo ug Agalon. Ang agalon nga nakakita sa atong gipanghimo mao na lang mag-igo kun angay ba sa usa ka ganti ang atong nabuhat.

Apan lagi kun ang ganti o pasidungog lamang ang anaa sa atong hunahuna sa matag higayon nga maghimo kita og maayo alang sa uban, nan, dili kini makahuloganon alang kanato ug labaw na nga dili mahimuot ang atong agalon nga mao ang Dios mismo. Hinumdomi ang tanan nga kaayo nga atong mahimo alang sa uban dili pa gani paigo sa kaayohan ug panalangin nga gihatag sa Dios kanato.

Ang tanang maayo nga atong mahimo ug pagahimoon pagtuman lamang sa kamandoan nga “Higugmaon nato ang Dios labaw sa tanan ug higugmaon nato ang atong isigkaingon sama sa paghigugma nato sa atong kaugalingon.” Lisud kaayo higugmaon ang Dios nga dili makita kon pakyas kita sa paghigugma sa tawo nga atong makita.

Labaw sa tanan, dili kita mamahimong magmapagarbuhon sa tanang mga butang maayo nga atong nahimo. Batonan nato ang usa ka disposisyon nga sa matag butang maayong butang nga atong nahimo mahimaya unta ang Dios pinaagi niini. Kini tungod kay ang Dios maoy sinugdanan sa tanang mga butang maayo nga atong pagahimoon ug siya mismo ang motapos niini pinaagi kanato.

Mao kini ang maymay ni Santa Teresa sa Avila:

Christ has no body but yours,

No hands, no feet on earth but yours,

Yours are the eyes with which he looks

Compassion on this world,

Yours are the feet with which he walks to do good,

Yours are the hands, with which he blesses all the world.

Yours are the hands, yours are the feet,

Yours are the eyes, you are his body.

Christ has no body now but yours,

No hands, no feet on earth but yours,

Yours are the eyes with which he looks

compassion on this world.

Christ has no body now on earth but yours.