Unta dili gamiton sa ambisyon

Asa man gyud padulong kining imbestigasyon batok sa halapad nga kurapsiyon? Naa kaha kini padulngan? Seryoso kaha ang kagamhnanan nga papanubagon ang mga nalambigit sa pagpangawkaw?

O gigamit lang kini sa uban alang sa ilang personal nga katuyoan. Sa nagpadayon nga imbestigasyon sa senado daw nisimang naman sa tinood nga destinasyon karon. Girekomendar ang kaso sa mga ginganlan sa mga testigo kong kinsa ang mga nakasuyop sa kwarta.

Bilib unta kaayo ko kay apil man ang mga opisyal sa kagamhanan lakip na ang mga senador, mas daghan sa Senado ug usa usa lang ang sa Kongreso.

Bitaw dali kaayo ang pagrekomendar sa pagtaral niining mga tawhana pero gipili ra man, pulos senador nga sakop sa minority ang giapil sa pagpasaka og kaso ug gipa freeze na gani ang ilang mga kwarta sa bangko. Sa kongreso si Zaldy Co ra man ang naapil kay siya man ang bida kuno.

Wala man maapil si Martin Romuladez nga namention sa usa ka testigo sa Senate Blue Ribbon hearing ug wala pud naapil si Executive Secretary Lucas Bersamin nga nigawas pud ang ngalan atol sa Senate hearing bisan og pulos nila gihimakak ang kalambigitan sa flood gate controversy.

Unta giapil kining mga personalidad sa recommendation nga kasohan aron makaingon ang katawhan nga seryoso ang senador sa ilang tinguha nga pagbukas sa kamatuoran.

Sa drama karon sa Senado mora'g naa namay gi-target nga grupo, gihinayhinay sila og target aron hingpit nga dili makalihok. Unsa man ni kabahin na sa pangandam sa 2028 presidential elections dunay personal interest ang mga nagpasiugda sa pakisusi.

Segurado sa Pebrero sunod tuig banhawon nila ang impeachment batok ni VP Sara Duterte diin naglisod makauswag kaniadto kay majority pa man ang kaalyado nila sa senador o ang gitawag nga Duterte block.

Apan kong maseguro nga mapiangan nila ang minority karon dakong posibilidad nga ilang i-impeach gyud si Sara aron wala nay babag kon si kinsa man ang molansad sa pagpangulo kay sa pagkakaron walay lig-on nga kandidato nga ikasakbang sa besi presidente.

Akong hatagan og benifit og the doubt si Senador Ping Lacson nga unta sinsero ang ilang intention nga ipagawas ang kamatuoran ug dili siya magpadala sa gusto sa uban.

Unta dili niya tugotan nga gamiton siya kon kinsa man ang dunay vested interest sa labing taas nga position sa nasod.

Duha lang ang posibleng mahitabo nga molansad na usab sa mas taas nga position si Lacson ug Sotto maong apil sila sa drama.

Kini mga pangagpas lang apan dunay dakong posibilidad nga mahitabo, sige atong huwaton ang eleksyon kay kining mga tawhana mahukasan sa ilang maskara.

Dili nato kalimtan ang panghitabo karon ang halapad nga pagpangawkaw nga maoy nakapahaling sa kasuko sa mga tawo, unta dili molurang ang kainit sa pagbati aron dunay makab-ot nga hustisya anf katawhan batok sa mga kawatan.