Kinsay mobayad sa Estate Tax?

Dear Atty. Divine,

 Aduna mi gustong paliton nga property apan nakapangan pa ang titulo niini sa mga ginikanan sa mga heirs nga patay na. Basi sa akong pag-inquire sa BIR nga mamahimo lang namo nga ma-process ang pag-transfer sa maong property ngadto sa among pangan kun mabayran ang Capital Gains tax, Documentary stamp tax og Estate tax. Nagsabot mi sa mga heirs nga kami ang mobayad sa Capital Gains og sa Documentary Stamp tax, apan karon gusto nila nga hasta ang Estate tax among bayran. Ang akong pangutana kun kinsa man gyud dapat ang mobayad sa Estate tax? Unsaon man ni namo pagresolve nga issue? Daghang salamat. —Elvin

 Dear Elvin,

Ang kanang Estate tax, mao nay bayranan alang sa pag-transfer sa property gikan sa pangan sa mga ginikanan nga nangamatay na ngadto sa pangan sa mga heirs. Ang mobayad dapat niana ang mga heirs ug dili ang buyer sa property. Apan mamahimo sab nga sabutan sa buyer ug sa seller nga paubsan nila ang presyo ug ang buyer na ang mobayad sa tanang galastuhan sa pag-transfer lakip na sa Estate tax. Mas maayo nga inyong sabutan daan kun kinsa ang mobayad sa Estate tax sa dili pa kamo magpirmahanay og dokumento. Mas maayo sab nga ikaw isip seller mangayo ka daan og listahan sa mga requirements sa BIR aron maandam na daan sa seller ang maong mga dokumento nga imong gikinahanglan alang sa pagprocess sa pagtransfer niini. Thank you and God bless.  —Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.