Unsay mahitabo kun di mabayran ang buhis sa properties

Dear Atty. Divine,

Adunay properties ang among mga ginikanan sa probinsya apan wa mabaywi ang buhis niini sud na sa lima ka tuig human namatay ang among mga ginikanan. Nagsabot mi sa akong mga igsuon nga mag-contribute aron bayran ang buhis. Ang akong pangutana kun asa man namo bayran ang buhis ug unsa may among dad-on nga dokumento? Kun mapakyas gihapon mi sa pagbayad sa buhis unsa may mahitabo sa properties sa among mga ginikanan? Daghang salamat

Lorna

* * *

Dear Lorna,

Adto ninyo bayran ang buhis sa Assessor’s Office sa Munisipyo o sa City Hall diin mahimutang ang maong mga properties. Ang inyong dad-on mao ang kopya sa tax declaration niini ug kun wa moy kopya sa tax dec, mamahimo nga mokuha mo niini sa munisipyo diin mahimutang ang inyong property ug inyo lang isulti ang pangan sa inyong mga ginikanan. Mas maayo nga inyo gyung bayran ang buhis karon ilabi na kay 5 years na nga wa kini mabayri. Kini tungod kay kun ang property di mabayran ang buhis sa daghang katuigan mamahimo kini nga imbarguhon sa Munisipyo o City Hall then ipa bidding og ang halin niini maoy ibayad sa buhis sa inyong mga properties. Thank you and God Bless.

Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.