Gustong magpakasal og usab

Dear Atty. Divine,

Hi po attorney. Ako po ay nakasal sa Manila City Hall in 2008. Lumipas ang mga taon nahibaw-an nako attorney gikasal ang akong ex-husband pag-usab niadtong 2017. Nakakuha po ako ng cenomar ug ang no.1 nga naa ngadto is name nako ug naa pud ang  name sa no. 2. Possible gyud diay na mahitabo nga kaduha makasal? Gusto sab unta namo nga magpa kasal sa akong live-in partner karon kay almost 10 years nami ug naa mi anak, ug babag jud kaayo na ako, cenomar. Unsay akong buhaton? Daghang salamat. --Marie

Dear Marie,

Ang gihimo sa imong ex-husband usa ka kalapasan sa balaod ug matawag kini nga bigamous marriage busa mamahimo siyang mapasakaan og kaso niini. Ang ikaduhang marriage nga iyang gisudlan dili sab balido kay nag-exist pa man ang iyang first marriage sa dihang siya nagpakasal pag-usab og laing babaye busa way bili ang maong kaminyuon. Usa sa mga hinungdan nganong adunay ubang minyo na apan nakasal pag-usab, posible nga wa sila motug-an sa ilang matuod nga status ug nangita sila og rason aron ma exempt sa pagkuha og marriage licence nga diin usa sa mga requirements sa pagkuha niini unta mao ang Cenomar. Kun ikaw gusto sab nga magpakasal sa imong live-in partner karon, kinahanglan gyud nimo nga ipa annul daan ang imong first marriage ug kun ma grant kini sa korte mamahimo ka nang magpakasal sa imong live-in partner. Mas maayo nga moadto ka sa imong abogado aron iyang ma evaluate kun aduna ka bay grounds alang sa pagpasaka og Petition for Annulment of Marriage. Thank you and God Bless.

Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana, pinaagi sa akong column matag Miyerkules, Sabado ug Domingo.