EDITORYAL - Pro-Filipino ang angay

Daghan kaayong nikatap nga mga post diha sa social media nga nanawagan ug nag-awhag sa mga tawo nga moapil sa dakong rally kontra kurapsyon karong adlawa, Septiyembre 14, 2025.

Kaning maong rallies o protesta gipanawagan tungod sa nagkagrabeng sitwasyon sa kurapsyon dinhi sa nasud.

Nga ang mga naa sa gahum nangawkaw sap undo ilabi na sa flood control projects ug uban pang proyekto sa gobiyerno nga para unta sa katawhan.

Ug nakita sab nga bisan kadtong naa sa gahum nga gisaligan sa katawhan nga maoy moimbestigar ug mokuykoy aron mogawas ang kamatuoran aron lutoson ug silotan subay sa balaod.

Apan mao naman hinuoy mitabon-tabon sa kahiwian pinaagi sa pagpili-pili lang sa kung kinsay ilang gustong hisgutan o tutokan, imbes nga papanubagon ang tanang nangawat.

Ang panawagan sa paglusad og rally nagagikan sa nagkalain-laing mga pundok ug mga indibidwal nga nipasa-pasa sa post diha sa ilang tagsa-tagsa ka social media accounts.

Apan kaning ubang mga pundok klaro ng daan nga dunay partido o politiko nga gisuportahan sukad pa kaniadto nga gusto nilang makabalik sa pwesto ang pamilya.

Klaro kaayong gisakyan nila ang panahon ug nakita nilang magamit kini para moabante ang ilang kawsa aron buhion pagbalik ang gilangaw nilang kawsa.

Samtang duna puy uban nga indibidwal ra ang ilang mga posts nga nanawagan sa tanan nga mosalmot sa rally tungod sa nagkagrabeng sitwasyon sa kurapsyon sa nasud karon.

Sila kadtong mga tawong tinud-anay ang rason nganong nitabang sila pag-awhag sa uban nga mosalmot sa rally.

Tinuoray nga pagbati ug kaluoy sa nasud nga karon giabusaran sa mga tawong naa sa gahum pinaagi sa paggamit sa ilang mga posisyon aron kawaton ang kwarta sa katawhan.

Kung gustong mopadayag sa sentimiyento, mahimo ra kining buhaton pinaagi sa social media, apan sa tinarong ug may tumong nga pamaagi dili kay pagpasapasa ug pagbuhat og fake news aron mangdaut sa uban.

Kung gusto gyud momartsa, likayan lang gyud ang pagdapig-dapig og partido o politiko. Dapat dili pro- political parties o pro-politician, kondili pro-Filipino gyud ang angay.

krus.

Tungod niini angayan kitang magpasalamat nga nahimo kitang Kristiyano Katoliko.

Nga sa ato pa, kining maong timaan sa krus maoy nakapahimo natong iya ni Kristo busa angayan lamang nga ato kining hangpon  ingon nga mahinungdanong kabahin sa atong panaw. Ang krus ingon nga kaakuhan resultado sa matang sa bokasyon nga atong gisubay.

Ang krus ingon nga sakripisyo pag-ambit man nato sa sakripisyo nga gihalad sa atong Ginooa lang kanato. Kahigayonan usab kini nato aron mamahimong hingpit ang atong kaugalingon.

Ang krus ingon nga tulay ang nidugtong kanato sa Dios (Vertical Direction) ingon man ngadto sa atong isi’g ka ingon (Horizontal Direction).

Sa matag saulog nato ning maong pangilin sa pagpasidungog sa krus unta kita dili bation og kalisang sa pagpas-an niini.