Gustong ipausab ang apelyido

Dear Atty. Divine,

Pagkatawo nako wa pa makasal ang akong mama ug papa. Hinungdan nga ang akong apelyido nga gibutang sa akong Birth Certificate mao ang apelyido sa akong mama. Apan sa dihang nakasal na ang akong mama ug papa, wa gihapon mausab ang akong apelyido hangtud nga nag-eskwela nako ug mi graduate na sa high school. Pagkakaron anaa nako sa second year college, ang akong pangutana kun mamahimo pa ba nako nga usbon ang akong apelyido ug sundon ang apelyido sa akong papa aron magpareho mi og apelyido sa akong mga manghud? Daghang Salamat.

Joan

* * *

Dear Joan,

Yes, mamahimo nimong ipausab ang imong apelyido sa birth certificate ug sundon ang apelyido sa imong amahan. Kini tungod kay human nagpakasal ang imong mama ug papa, na legimated man usab ang imong status. Ang imong buhaton karon mao ang pag-adto sa Local Civil Registrar diin ka narehistro ug didto nimo i-process ang pagpa-usab sa imong apelyido sa birth certificate. Kinahanglan nga mo-submit sab  ka og marriage certificate sa imong mama ug papa kay usa kini sa mga requirements sa imong pagpa-usab sa imong apleyido. Once mausab na ang imong apelyido sa birth certificate, imo kining i-submit sa school registrar aron pagmatuod nga nga nagdala kana sa apelyido sa imong amahan aron aduna silay  basihan sa pag-usab sa imong apelyido sa school records sa inyong tunghaan. Thank you and God Bless. -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.