San Carlo Acutis

Dili pa lang dugay hingpit na nga giproklamar nga Santos si Beato Carlo Acutis uban ni Frassati. Hinuon atong ilahi og hisgot ang naulahi.

Matud pa kini si Carlo Acutis giisip nga millennial saint. Batan-on ug gani sa panuigon nga 15-anyos siya nitaliwan gumikan sa sakit nga leukemia.

Aduna siyay dakong debosyon sa Sagrada Eyukaristiya.

Ginamit ang internet iyang gipakaylap ang kamahinungdanon sa Sagrada Eyukaristiya ngadto sa tanang mga tawo.

Ang usa ka yanong batan-on nahimong madasigon ning maong kawsa sa Ginoo nga niula sa iyang dugo alang kanato.

Tuod man sulod sa hamubo nga higayon nahimo siyang santos.

Husto gyud ang iyang giingon nga ang eyukaristiya mao ang pinakadali ug paspas nga kahimanan aron makab-ot niya ang langit.

Unsa may implikasyon niini alang kanato?

1. Ang pagkabalaan tawag alang sa tanan regardless sa panuigon ug kagikan.

Wala kini magpasabot nga batan-on dili hamtong sa kinabuhing espirituhanon.

2.  Ang pagkabalaan tawag man usab sa paghigugma. Si San Carlo Acutis nahigugma sa Dios nga tungod niini walay ni usa ka gutlo ang iyang giusikan aron sa Dios mahilayo.

3. Dili unta kita mahilansang sa atong kagahapon sa mga kahuyangan.

Hinunoa ato silang pagaisipon nga kahigayonan aron sa Dios kita magkinahanglan.