Diha sa imong panaw

Sa among gihimong retreat sa mga kaparian nahimo namong retreat master si Fr. Dave Concepcion.

Usa sa iyang gihisgotan kalabot man sa panaw kun journey. Matud pa niya: if you want to travel fast, travel alone, if you want to travel further, travel together but if you want to reach your destination, travel with the right persons.”

Dugang pa niya, dunay mga tawo nga nahigugma Ninyo ingon nga tawo apan wala mahigugma sa inyong bokasyon.

Social animal man kita nga sa ato pa, kahingpitan nato ingon nga usa ka tawo nga makiglambigit ni bisan kinsa. No exemption niini ang kaparian.

Kay sa wala pa sila maordinahi nga pari, tawo sila sama sa uban. Sa akong personal nga panahom mas ganahan akong mag-inusara kay lagi dali ra kaayo ang paghimo sa buluhaton.

Kay sa seminaryo pa ako nitagam ko sa kauban nako sa reporting kaniadto nga bugtong ngalan lamang niya ang iyang natampo sa among report.

If you want to travel further, travel together. Diha sa katilingbanong buhat dili paigo ang efficiency lamang kondili ang effectivity.

Ang efficiency mao man ang paghimo sa usa ka butang sa husto nga paagi. Apan ang efficiency nagpasabot man og paghimo sa hustong butang. Mao kini ang makapalahutay.

Apan aron kita makaabot sa atong destinasyon kinahanglang mopanaw kita kuyog sa hustong mga tawo nga makatabang kanato sa pag-abot sa atong destinasyon.

Mga tawo nga nahigugma dili lang nato kondili usab sa atong ideals ug mga damgo. Mga tawo nga nahigugma sa atong mga tinguha ug malipay nga motabang ug magsaulog uban kanato kun kini makab-ot na. 

Labaw sa tanan, mas makaabot gyud kita sa atong padulngan kun kang Kristo Jesus kita magpauban.