Gustong patrabahuon panahon sa day-off

Dear Atty. Divine,

Aduna koy pangutana labot sa akong trabaho. Grabe ka busy karong panahona ang among company busa sunod-sunod ang ilang pagpa-overtime namo. Aduna gani panahon nga dili mi tugotan nga maka day-off. Ang akong pangutana kon mamahimo ba ako nga mobalibad kon patrabahuon ko panahon sa akong day-off ilabi na kon kapoy na kaayo? Daghang salamat. —Nestor

Dear Nestor,

Yes, mamahimo ka nga mobalibad kon patrabahoon ka sa imong company panahon sa imong day-off. Basi sa Article 91 sa atong Labor Code, kini nagkanayon nga ang matag employer obligado nga mohatag og weekly rest period sa iyang empleyado. Buot ipasabot nga sa usa ka semana, kinahanglan nga adunay usa ka adlaw nga day-off or rest period nga ihatag sa usa ka empliyado. Busa kon magtrabaho ka sud sa unom ka adlaw, ang ikapito ka adlaw kinahanglan nga day-off na nimo. Ang employer maoy mopili og unsang adlawa dapat mo day-off ang empliyado apan kinahanglan nga respetuhan sab sa employer kon pananglit mohangyo ang empliyado og specific nga adlaw sa iyang day-off tungod sa iyang religion. Hinuon adunay panahon nga ang usa ka empliyado mamahimo sab nga patrabahoon panahon sa iyang rest day basi sa Article 92 sa atong Labor Code sama pananglit kon adunay mga emerhensiya sama sa mga aksidente, sunog, baha, bagyo, linog, epidimya og ubang pang kalamidad nga masinati, og kon adunay mga urgent nga trabaho ang company nga gikinahanglan to avoid serious loss or kadaut. Thank you and God Bless —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.