^

Banat Opinyon

Sobereniya ang tumong ni VP Sara

JAV, BANATI! - Javier Tapulado - Banat

Sakit kaayo sa usa ka anak, nga sa imong atubangan, gipunayag hasmag sa mga sungayang linalang sa administrasiyong Marcos ang imong pinalanggang amahan, unya human bun-oga taman sa ginhawa, gikidnap pa kini ug gihan-ok didto sa nagnganga daang pultahan sa International Criminal Court (ICC), The Hague, Netherlands detention facility.

Diin ang gikargahan sa usa ka kanhi Presidente Rodrigo Roa Duterte (PRRD), kinsa gipakasama na lang sa kapolisan nga usa ka nuog, pribadong ayroplano sa Pilipinas nga matod pa sa kasaligang tinubdan, kaila kaayo si Presidente Bongbong Marcos Jr. (PBBM) kinsay tag-iya?

Ultimong pipila sa mga kadagkoan sa ICC miangkon nga illegal ang pagka-detained ni Tatay Digong sa ilang pasilidad, sanglit wala kini mahisubay sa tukmang proseso, diin dapat moagi unag due process o imbestigasyon dinhi sa kaugalingon natong korte. Nungkang, deretsog tugyan niini sa ICC!

Naukay gilayon ang tibuok Pilipinas niining maong hitabo. Halos tanang tawo, kinsa pro-good governance ug nakailag unsay ‘sobereniya’, nanganaog sa ilang kabalayan, nagkahiusa paghimog dagkong rally sa kadalanan ug nagkatapok halos sa tanang dapit sa nasod, diin sila nagwarawara sa dala nilang plakards dungan ang pagsiyagit: “Bring Duterte Home!”

Lakip Overseas Filipino Workers (OFW) sa nagkalainlaing kanasuran miduyog sab paghimog dagkong rally. Gani, ang atubangan duol sa nahimutangan sa ICC, sila nagpunayg palanog sa ilang protesta sukad pa niadtong unang adlawng na-detained si PRRD ug hangtod karon nga anaa pa gihapon sa sulod, sila nagpaninggit adlaw-adlaw: “Bring Duterte Home! Free Duterte Now!”

Ug sa kalanog sa ilang protesta, nakadungog ba si PBBM? Dili ba, isip presidente, iyahang obligasityon ang pagprotehir-salbar sa sobereniyang gitugyan sa Pilipinas ngadto sa ICC? Nganong dili man siya makahimo niini? 

Unya, iyang mga alipores, pwerting nakasaway ni Inday nga sige ra kunog adto sa ICC aron pagbisita ni PRRD? Ug wala na hinuon magtrabaho sa inadlaw niining bulohaton? Pagkamagbaw’g utok!

Wala sila masayod nga ang gibuhat ni Inday, dili ra pagbisita ni PRRD, kondili, maoy iyahang tinguha nga luwason ang soberiniya sa Pilipinas nga anaa na sa kamot sa banyaga? Bise presidente, baya si Inday! Mao nga kon kini dili kaya ni PBBM? Si Inday nay manlimbasog-makig-away hangtod maoy modaug!

Kanay lider!

ICC

SARA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with