Unsay buhaton kun mawala ang credit card
Dear Atty. Divine,
Ang akong pitaka gikawat lakip na ang akong credit card. Nabalaka ko nga gamiton unya ang akong credit card sa pag-purchase og ako unya ang makabayad niini. Ang akong pangutana kun obaligado ba ako sa pagbayad kun gamiton sa kawatan ang akong credit sa pagpamalit? Unsa may angayan nako nga buhaton human nawala ang akong credit card? Daghang salamat.
Lydia
* * *
Dear Lydia,
Ang una nimong buhaton human gikawat o nawala ang imong credit card, mao ang pagreport dayon niini ngadto sa bangko nga nag issue sa credit card aron ma blocked dayon kini og dili na magamit sa kawatan sa pagpamalit og bisan unsang butang. Kun na-report dayon nimo sa bangko ang pagkawala sa imong credit card, hayan wala ka nay tulubagon sa mga transaction nga nahitabo human sa imong pagreport.
Basi sa Section 15 sa Republic Act 10870 kon Philippine Credit Card Industry Regulation Law, kini nagnakayon nga kon ang credit card nawala o gikawat, ang bisan unsang transactions sa wala pa gi-report ang pagkawala o pagkawat niini obligasyon sa tag-iya sa credit card.
Busa importante kaayo nga imong mareport dayon sa bangko ang maong hitabo aron di ka makabayad sa mga transaction niini human sa pagkawala sa imong credit card. Thank you ang God bless.
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingoa
- Latest
