Kadaghan natong mga pobre uy!

Sa labing uwahi nga survey sa OCTA Research Group, sumala sa napatik sa Philippine Star, nakita nga mga 11.9 million ka Pinoy ang mi-consider sa ilang kaugalingon nga kabus.

Daghana no? I thought, economically speaking, hayahay na ang pagkabutang sa atong nasud karon, kay ang atong mga leader dili man maghisgot og poverty alleviation. Priority nila, politika man, nga bisan og bag-o lang kitang nag-eleksiyon, ang anaa karon sa ilang hunahuna, mao ang 2028 elections na. Kini in both the opposing  camps. 

Nakita sa survey, nga ang self-rated poverty, misaka ngadto sa 45% gikan sa 42% sa nag-unang pag-survey. Mga 16% lang sa mga respondents ang mi-consider sa ilang kaugalingon nga dili sila poor. Most probabaly, dili usab sila maisip nga adunahan, sama sa uban kanato nga nagpuyo sa harianong mga panimalay, nagtuasik ang pundo sa mga bangko, ug nagsapaw-sapaw ang negosyo.

Matud pa sa usa nako ka higala, nga kini kunong mga bulahan natong kaigsuonan, mamahaw sa Singapore, maniudto sa Hong Kong, ug manihapon sa famous nga Bali Resort sa Indonesia. Tinuod ba ni? 

Anyway, sa Mindanao, 63% sa mga respondents ang mi-consider nga kabus ang ilang pamilya;  gisundan sa 63 Visayas, 59%; balance Luzon, 37%, ug Metro Manila, 23%. 

Ug kining ilang nga ‘food poverty,’ ilang gi-defined “as situations where individuals and households struggle to secure a sufficient and healthy diet.” Mga pagbudlay sa mga kabus aron makatilaw usab sila og lamian nga pagkaon. Ang uban kanila, maglisud na tingali pagkaon ka-tulo sa usa ka adlaw.

18% lamang sa mga gi-survey ang midiklarar nga sila dili food poor, samtang 39% ang undecided, wala mo-comment kon food poor ba sila o dili.

Atong hinumdomaan nga matag-assume sa bag-ong mapili nga presidente sa nasud, mo-declare dayon sila, among others, og war against poverty. It seems nga pilde kita sa maong pakiggubat batok sa kawad-on. 

* * *

Charter Change. Migimaw na usab ang isyo sa Charter Change, o paghimo’g mga kausaban, amendments, sa 1987 Constitution. Kini, gumikan sa awhag ug prodding ni Deputy Speaker ug Antipulo City Rep. Ronaldo Puno, kinsa miingon nga i-improve ug i-clarify ang mga ambiguous (dili klaro) nga mga provisions ug procedures sa Batakang Balaud.

Gihatag nga example ni Puno ang Article XI, Section 3(4) nga nag-ingon: “In case the verified complaint or resolution of impeachment is filed by at least one-third of all the Members of the House, the same shall constitute the Articles of Impeachment, and trial by the Senate shall forthwith proceed.”

Mao ni, ang usa ka pulong lang, ang “forthwith,” nahimong controversial, gilalisan ug gilantugian sa mga eksperto sa balaud, nga naghatag og managlahi nga interpretation.

Sa akong bahin, maghuwat na lang kita unsay dangatan ug unsay linugdangan niining tanan. Imagine, usa lang ka pulong, nasiak ug nabahin-bahin ang atong nasud, lagmit maoy mahimong hinungdan nga mag-amend kita sa atong Konsitusyon!

Kinsa bay nag-imbento ug nigamit niining term “forthwith?” Gidiretso na lang unta pag-ingon nga immediately, without delay, at once, instantly, ug right away!

Daghan kita’g giatubang nga problema. Masulbad ba kini pinaagi sa pag-usab sa atong Batang Balaud?