Aduna bay separation pay ang contractual employee?

Dear Atty. Divine,

Aduna koy ginagmay nga negosyo ug nag-hire ko og mga empleyado. As of now miabot na og 15 ang akong mga employees. Pulos ni sila adunay kontrata apan renewable. Apan lately, kalit nga mihinay ang among negosyo ug kinahanglan gyud mi nga moputol sa employment sa ubang trabahante aron di mosamot kadako ang among alkase. Ang akong pangutana kun obligado ba ko nga mohatag og separation pay sa contractual employee nga akong taktakon? Daghang salamat.

Lyndon

* * *

Dear Lyndon,

Adunay fixed term ang usa ka contractual employee busa ini’g end sa iyang kontrata kun dili i-renew sa employer ang iyang contract, automatic siya nga terminated na sa iyang trabaho. As a general rule, ang contractual employee dili entitled og separation pay kun mo end na ang iyang contract. Apan kadtong empliyado nga gitaktak for authorized causes basi sa nalatid sa Article 283 og 284 sa atong Labor Code, entitled sila og separation pay. Apan kun pananglit ang contractual employee gitaktak bisan wala pa matapos ang iyang kontrata, makabayad og separation pay ang employer kay ang usa ka contractual nga empleyado adunay security of tenure for a limited period nga nalatid sa iyang kontrata. Busa, kining tanan magdepende kun unsay mga circumstances sa imong pagkataktak sa employee. Thank you and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo