Naglibog kun unsay kaso nga iyang ipasaka

Dear Atty. Divine,

Ang akong igsuon nagplano nga mopasaka og legal separation sa iyang bana kay di na gyud niya maagwanta ang physical abuses og verbal abuses nga iyang nahiaguman ilabi na kun mahubog ang iyang bana. Aduna silay usa ka anak nga 5-anyos pa. Apan ang among mama mitambag sa akong igsuon nga inay legal separation ang iyang i-file nga kaso, mas maayo daw nga annulment ang i-file aron di na gyud makapanghilabot sa hingpit ang iyang bana kaniya. Naglibog ang akong igsuon karon kun unsay iyang i-file nga kaso. Ang akong pangutana attorney kun husto ba ang tambag sa akong mama nga annulment ang i-file? Daghang salamat. —Marilou

Dear Marilou,

Kining legal separation mao ni solution sa magtiayon nga adunay problema sa ilang kaminyoon. Kun ma grant ang legal separation sa korte, gitugotan ang magtiayon nga magpuyo separately apan dili sila makaminyo pag-usab kay bisan kun legally separated sila, nagpabilin gihapon ang ilang kaminyoon. Samtang ang grounds sa Legal Separation anaa gilatid sa Article 55 of the Family Code ug ang Repeated Physical Violence or Grossly Abusive Conduct usa na sa grounds sa legal separation. Samtang sa Annulment of Marriage, kun ma grant kini sa korte, hingpit na gyud nga giputol ang ilang kaminyoon, busa mamahimo na silang makaminyo pag-usab. Apan ang grounds sa annulment nalatid kini sa Article 35 ngadto sa article 41 sa atong Family Code ug kini naglakip sa psychological incapacity nga naa sa Article 36 nga diin kinahanglan gyud kini nimong pamatud-an sa korte. Busa kun ang imong igsuon adunay lig-ong ebidensiya nga psychologically incapacitated ang iyang bana mamahimo siyang mopasaka og annulment apan mas maayo nga modulo unya siya sa iyang abogado aron matun-an pag-ayo ang iyang kaso sa dili pa kini niya i-file sa korte. Thank you and God Bless Atty. Divine

Alang sa inyong pangutana, ipadala  lang sa pag email sa [email protected] akong tubagon ang inyong pangutana pinaagi sa akong column matag Miyerkules, Sabado ug Domingo.