Reset

Sa akong pagsukod padre kura sa parokya ni San Vicente Ferrer sa Buanoy, Balamban nahiabot sa akong hunahuna kining acronym nga RESET. Kun maghisgot kita og reset nagpasabot man kini og pag-usab kun kausaban gikan sa naandan.

Mao kini ang bag-ong pagkahimugso gikan sa naandang pagkatawo o Sistema. Bisan gani ang uniberso mohimo man og RESET sa kaugalingon maingon nga ang atong planeta makahimo usab sa ingon segun sa gilatid nga panahon. Ang RESET alang nako nagpasabot man ning mosunod:

REPARATION gikan sa bisan unsang salaod nga nahimo. Alang sa pagkakabig sa mga makasasala sugod mismo sa akong kaugalingon.

EUCHARIST nga maoy maghatag og kahimsog sa akong panglawas ingon man kalag.

SOLIDARITY diin ang pagtulon-ang Kristohanon dili lang kutob sa pulong kondili usab diha sa mga buhat sa paagi nga mas konkreto ug makabuhi. Kuyog usab niini ang SILENCE kun kahilom aron ang katilingban dili lanag mahisama kang Marta kondili usab kang Maria nga mapaminawon gyud sa pagtulon-an ni Kristo Jesus.

EMPOWERMENT kun ang paghatag og gahum sa matag usa aron mamahimong self-sufficient ug dili lang dependent sa ayuda system makalibutanon man o Espiritohanon.

TIME, TALENT, UG TREASURE gamiton alang sa dakong kahimayaan sa Dios.

Kining tanang paningkamot alang sa maayong tinguha nagagikan man sa Dios ug mahimong matuman pinaagi kanato. Amen!