Materyalismo

Agosto 3, 2025: Ikanapulog-Walo

nga Domingo Sulod sa Tuig

Mga Pagbasa:  Ecc. 1;2;2;21-23/

Sal. 90/Col. 3;1-5,9-11/Lk. 12;13-21

Atong pagaisipong adunahan sila nga daghan og mga kabtangan. Ang kabtangan usahay maoy hinungdan sa away lakip na ang patay.

Ug ang nakapait mahitabo usahay sulod mismo sa panimalay. Apan ang pangutana mao: “Seguridad baa lang kanato ang kabtangan?” kay sa ebanghelyo karong dominggoha dunay mas labing siguro nga mahitabo, ug kini mao ang kamatayon.

 Mag-unsa man tuod ang tanan nga atong napondar kun sa kaulahian biyaan lamang ang tanan!

Dili dautan ang pagbaton og kabtangan labina kun ato kining hinagoan. Buna kini sa atong singot.

Apan mahimo kining dautan kun ugaling atong gitugotan nga ang maong kabtangan maoy moulipon kanato imbis kita ang moulipon kanila usahay daghang mga tawo nga gumikan sa mini nga seguridad diha sa kabtangan ang nakasentro lamang sa ilang kaugalingon ug wala na hinuon nila makita ang uban ug ang ilang palibot nga tingali nagkinahanglan sa ilang tabang.

Mahimong kita mismo nahiapil ning maong kahimtang. Unta dili kita ulipon sa bahanding kalibutanon.

Adunay awit niadtong bata pa ako nga nagkanayon:

Naisip mo ba kun kalag mo mawala bisan kalibutan maimo! Kay tingali baya, halayo na ikaw!

Igsuon pamalandong karon!