Sa hinay hinay apan seguro nga paagi

Basaha: Mt. 13;31-35

Sa kapanahonan sa atong Ginoo, yano lang sila ingon man diyotay lamang ang yang mga sumusunod. Sa pagligid sa mga katuigan ang diyotay nga pundok nilipang ug nahimong usa ka organisado nga institusyon diin sakop na kita niini karon, mga 2,000 na ka mga tuig nga milabay.

Sama sa liso sa mustasa nga nilipang ug nabuhi hangtud nga nahimong kahoy diin nakapasilong ug nagsalag ang mga langgam. Maingon usab kita nagpalandong sa simbahan.

Patience is a virtue matud pa. Apan subo palandungon nga daghan kanato ang maglisud og paabot sa atong paabuton.

Buot kita og paspas to the point nga malisud alang kanato ang pag-appreciate sa kahamili sa kasamtangang panahon.

Diha pa nato kini makita nga wala na kita sa maong higayon. Nga sa ato pa, nahimo na lang kining usa ka handumanan.

Busa angayan lamang nga buhaton nato kining mosunod:

1.  Paghandum sa kagahapon uban ang dakong pasalamat.

2.  Pagsaulog sa kasamtanan uban ang dakong pagtuo.

3.  Pagpangandam sa kaugmaon uban ang buhing paglaum.

Hinay man tuod ang proseso apan nindot kini nga kasinatian sa pagtubo ug paglambo. Bahala og hnay apan kanunay.

Bahala og hinay basta anaa ang paglahutay. Ang panaw padulong sa balaanong kinabuhi dili lumba kondili panaw sa gugma.