Unsay benefit nga makuha sa SSS kun ma-disable ang miyembro

Dear Atty. Divine,

Ang akong papa, nagtrabaho sa usa ka private company sud na sa 15 ka tuig. Karong bag-o gi-atake siya ug nahospital. After 2 weeks sa hospital, nakagawas na siya apan dili na siya makabalik sa pagtrabaho human siya ma stroke ug maglisod na siya sa paglakaw. Ang akong pangutana kun maka-claim ba og benefits sa SSS ang akong papa? Daghang salamat. —Helen

Dear Helen,

Yes, mamahimo nga mo claim ang imong papa og Permanent Disability Benefits sa SSS. Basi sa Section 13-A sa Social Security Act of 1997, kini nagkanayon nga ang miyembro nga makasinati og permanent total disability ug nakabayad og at least 36 monthly contribution sa wala pa siya ma-disable, makadawat og monthly pension. Apan dili kini automatic kay kinahanglan kini niya nga aplayan ngadto sa SSS. Apan kun pananglit wa siya makabayad sa requirement nga 36 monthly contributions, makadawat gihapon siya og lump sum benefit nga equivalent sa monthly pension times the monthly contribution paid to SSS or twelve times the monthly pension, whichever is higher. Kun pananglit makatrabaho siya pag-usab human sa iyang pagdawat sa lump sum, obligado na sab siya nga mobayad sa monthly contribution sa SSS ug makonsiderar na unya siya nga bag-ong miyembro sa SSS. Thank you and God Bless. —Atty. Divine

Alang sa inyong pangutana, palihug lang sa pag-email  sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.