Pagpamalandong sa Malangkubong kaayoha persistence, perseverance

Maayong balita

Ang atong Ginoo sa Ebanghelyo nato karong Dominggoha nipahinumdom nga diha sa pag-ampo gikinahanglan ang pagkamakanunayon ingon man paglahutay. Mahinungdanon kaayo ang kanunay nga pagsangpit sa Ginoo may panginahanglan man kita o wala. Adlaw ug Gabii angayang sangpiton ang iyang ngalan, adlaw ug gabii angayan nga anaa kita sa presensiya sa Dios.

Kasinatian

Diha sa atong kasinatian sa pag-ampo sa makadaghang higayon bation kita og tumang katapol. Maayo lamang kita sa sugod ug malisud alang kanato ang paglahutay kay lagi dunay mga higayon sa atong pag-ampo nga alang nato wala madungog sa Ginoo ang atong mga pag-ampo. Mao nga motalaw kita ug mo-ok ok. Apan sa laing bahin ang mga delays wala man magpasabot og denials. Dunay mga delays nga nag-andam kanato alang sa mas dako pang gasa ug grasya. Dili kita angay nga mobasol sa Ginoo kay ang iyang pamaagi lahi ug mas maayo pa man kaysa atong mga pamaagi.

Lihok

Diha sa atong pag-ampo ato kining isipon nga pakigkukabildo sa Ginoo. Busa angayan kitang maglagsik ug magkugi aron mas duna kitay panahon alang sa Ginoo.

Pangamuyo

Tanan: Ginoo, sulod sa maong kasingkasing. Buot kaming makaila kanimo sa mas suod nga paagi diha sa balaang kasulatan, sa mga sakramento ug diha sa among mga kaigsuonan. Amen