Naimpas ra gyud

Kun maghisgot kita og binalhinay, ang mosulod dayon sa atong hunahuna mao man ang mga binayranay sa atong mga utang.

Kini aron sa ingon dili kita makahatag og kahasol sa magsunod kanato.

Mao nga sa walay igong paglangay akong gibayran ang mga remaining balance sa mga utang.

Salamat usab sa PPC nga nitabang ug nibulig aron sa ingon mamahimo kitang “Utang Free.”

Apan tinuod ba gyud nga mamahimo kitang “Utang Free” sa kalibutan tingali mahimo apan sa Dios:

“DILI” tungod kay bisan gani ang atong kinabuhi gikan man sa Dios ug ang tanan nga atong nahuptan ug nakab-ot dili man atoa.

Bisan unsaon pa nato kita gihapon kabus atubangan sa Dios.

Busa angayan lamang nga magpasalamat ug usa sa paagi sa pagpakita sa pagkamapasalamaton mao man ang pagkamanggihatagon.

Naimpas man tuod ang utang sa mga hardware apan dili kita makabayad sa kaayo sa katawhan sa Dios ug sa Dios gyud mismo.

Matag adlaw angayan kitang magpasalamat, matag adlaw angayan kitang magsaulog.

Nakadawat kita sa kaayo, ang kaayo ato pud untang ipaambit ngadto sa uban. Ingon ana ang kinabuhing Kristohanon ug mapasalamaton.