Marta ug Maria

Maayong Balita

Atong Nakita nga dunay duruha ka managsuon. Sila si Marta ug Maria. Si Marta busy kaayo sa mga detalye sa hospitality. Samtang si Maria tua naminaw sa ilang bisita nga si Jesus. Si Marta gumikan sa iyang ka busy o dili ba kaha gikapoy na, ang nangampa sa ngadto sa iyang igsuon nga si Maria.

Iyang giingnan ang atong Ginoo nga kun mahimo, patabangon si Maria ngadto kaniya. Apan gibadlong siya sa Ginoo nga dili angayang mabalaka sa daghang mga butang kinahanglan nga sundon si Maria nga nipili sa pinakamaayong bahin nga mao mao ang pagpaminaw sa Pulong sa Dios.

Kasinatian

Ang kalibutan karon nagtudlo nga kun mahimo kinahanglang paspas ug adunay Sistema ang matag buhat nato. Walay luna ang mag-urong ug maminaw o mamalandong sa mga panghitabo. Si Marta mao kadtong mga tawo nga nalumsan sa ilang mga trabaho.

Sila kadtong mga tawo nga nahimong busy sa pamasin nga diha sa ilang ka busy daghan pud sila og output. Sa laing bahin si Maria ang ni representar niadtong mga tawo nga nangita sa Ginoo diha sa kahilom. Sila kadtong mga tawo nga namalandong, nag-ampo, ug nagtinguha sa pagpuyo sa presensiya sa Dios diha sa kahilom ug hilit nga kinabuhi.

Lihok

Mahimong balansehon nato ang tanan. Kay matud pa ni St. Francis de Sales: “Work without prayer is a vain occupation, prayer without action is a false devotion.” Taliwala sa kagahob sa kinabuhi makita unta nato ang Ginoo sa tanang mga panghitabo sa atong palibot. Ug pangitaon unta nato Siya sa tanang mga adlaw sa atong kinabuhi.

Pangamuyo

Tanan: Ginoo himoa kaming sama ni Marta nga makugihon sa pag-alagad kanimo, apan sa laing bahin himoa kaming sama ni Maria nga maminaw ug mamalandong imong buhing pulong. Ikaw nga buhi ug hari hangtud sa kahangturan. Amen.