Gustong magminyo human gibuwagan sa bana

Dear Atty. Divine,

Ang akong bana usa ka langyaw og nagbuwag mi 2-years ago ug mibalik na siya sa America. Iya kung gi informed nga nag-file siya og divorce ug na approved na kini sa ilang korte.

Ang akong pangutana kun pwede na ba kong magpakasal og usab after ko gi-divorced sa akong bana? Daghang salamat.

Leny

* * *

Dear Leny,

Dili pa ka pwedeng magminyo bisan pa kun duna nay Divorce Decree ang imong kanhi bana kay kinahanglan pa nimo kining ipa-recognized sa atong korte.

Ang atong Family Code nagkanayon nga kun ang Filipino citizen maminyo og foreigner ug unya makakuha og divorce decree ang foreigner sa iyang nasud then ang Filipino spouse mamahimo na usab nga makaminyo.

Apan dili kini automatic kay kinahanglan pang mo file og Petition for Recognition of Divorce Decree ang Pinoy sa korte sa Pilipinas ug kun ma-recognized na ang Divorce Decree ug ma annotate na sa imong marriage certificate, una pa ka pwedeng makaminyo pag-usab. Mas maayo nga moduol ka sa imong abogado aron magiyahan ka kun unsay mga dokumento ang angayan nimong andamon. Thank you and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.