Panagtagbo isip Distrito

Niadtong Huly 08, 2025 nagdungan mi og panihapon sa mga kaparian sa among distrito kwatro. Ning maong panagtigom nagkukabildo kami kay sa madugay ug sa madali mapupos naman ang amaong termino isip mga kura paroko.

Daghang mga butang ang among nahisgotan, daghan ang mga pangindahay ug daghan ang mga panghinaut alang sa umaabot.

Ang tanan mag-agad gyud. Adto mi nag-abot sa QM Resort. Moalboal, Cebu. First time ko nakaadto didto. Salamat kang Sir Allan Quirante ug salamat usab kang Sir Jaylord nga maoy ni facilitate ning tanan.

Hinuon wala ko makatulog didto kay niuli ko sanglit may buluhaton man nga tiwasonon. Apan sa maong paghikatulog binitbit ang mga maanindot nga mga handumanan.

Natapos na pud ang akong tahas isip district secretary. Sa akong pag-compile sa tanang mga minutes sa meeting, daghan ko og hikat-onan.

Lakip na niini nga matag mahinungdanong mga butang kinahanglang tipigan sa pamasin nga basahon sa hingtungdan.

Paila lamang kini nga nahimong aktibo ug seryoso ang Distrito kwatro sa pagpatuman sa mga pastoral initiatives sa atong talahurong arsobispo.

Yano nga ritwal sa pagseryoso sa bisan unsang pastoral nga plano mao nga anaa ang minutes sa matag meeting.

Anaa usab akoy kahuyangan ug limitasyon. Apan naningkamot ug nagkugi sa gihapon alang ning maong misyon.

Dili man ni akoang lihok, iya man kin isa Ginoo busa angayan lamang nga ako mag-agad ug magpakitabang sa grasyang Diosnon.