Wala dawata ang resignation letter sa empleyado

Dear Atty. Divine,

Nagtrabaho ko sa usa ka kompaniya sud na sa napulo ka tuig apan nag-file ko og resignation letter kay di na nako makaya ang load sa akong trabaho nga magsige lang og overtime hinungdan nga nasakit ko. Pag-submit nako og resignation letter, akong gisultian ang HR nga kutob ra ko sa katapusan. Apan wa dawata sa HR ang akong resignation kay mangita pa daw sila og ipuli nako. Ang akong pangutana atty. kun mapugos ba ko nila sa pagpatrabaho bisan kun gusto nako nga mo resign? Daghang salamat. —Efren

Dear Efren,

Basi sa Labor Code ang empleyado mamahimo nga mo-resign sa iyang trabaho. Ang requirement sa balad nga hatagan og 30-day notice ang employer aron kini makapangita og hulip. Dili makapugos ang imong employer sa pagpatrabaho kanimo after 30 days sa imong pag-resign kay imo na man silang gipahibawo labot sa imong pagbiya. Busa kun moundang ka sa pagtrabaho, obligado sila sa pagbayad kanimo sa imong last pay, ug sa imong 13th month pay. Dapat sab sila nga mohatag kanimo og Employment Certificate. Ang maayo nimong buhaton karon, imong ipadala sa imong employer ang imong resignation pinaagi sa email, gawas sa HR imo sab kining  i-email ngadto sa inyong manager kay notice na kini nila nga mo resign ka. Dili gyud sila makapugos kanimo sa pagpadayon og trabaho kay usa na sab kana kalapasan sa balaod kon ilang pugson ang tawo sa pagtrabaho bisan kon mi-resign na. Thank you and God Bless. —Atty. Divine

Alang sa inyong pangutana, palihug pang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.