Simbahan sa misyon

Maayong Balita

Adunay kapitoag duha ka mga lalaki nga gipadala ni Kristo Jesus sa tinagurha aron moadto sa mga dapit nga iyang pagaadtoan isip mga advance parties alang kaniya. Ning maong pagpadala iyang gihatag kining mosunod nga mga pahimangno:

1. Ayaw pagdala og puntil nga sudlanan sa limos

2. Walay extra nga sandalyas

3. Dayon sa mga balay nga modawat kanila

4. Mokaon ug moinom sa bisan unsa nga gidalit alang kanila

5. Kun dili sila dawaton bakwion ang yukbo sa pakigdait ug itaktak ang mga abog sa ilang sandalyas, pasidaan kini sa mga lungsod nga nagdumili sa pagpatalinghog kanila.

Kasinatian

Ang pulong misyon gikan sa linatin nga pulong “missio” nga napasabot og pinadala o pagpadala. Kining maong akto lihok sa Dios ug gipadayon hangtud karon sa atong simbahan. Dunay mission ad intra nga sa ato pa ang lihok sap ag-ebanghelyo anaa lamang sa atong kaugalingong teritoryo og dinhi lamang sa aotng kaugalingon dapit.

Ang mission ad extra mao kadtong pagpadala sa atong mga kaigsuonan ngadto sa mga dapit gawas sa atong nasud. Ngadto sa mga tawo nga lahi ra kaayo og kultura ug kagikan kay kanato. Nagpasabot kini nga ang simbahan malukpanon mao nga gitawag siyang katoliko.

Lihok

Karong semanaha imantala ang maayong balita sugod sa imong banay, katilingban ug mga kasilinganan pinaagi sa imong matinud-anon ug halawom nga pagsaksi sa pagtuo nga imong nadawat. Himoa ang imong kaugalingon nga maayong balita alang sa uban.

Pangamuyo

Tanan: Ginoo ania kami, masaligon sa imong grasya. Ipadala kami alang sa imong kahimayaan. Ikaw nga buhi ug hari hangtud sa kahangturan. Amen