Anaa ang Dios

Sa matag eksorsismo kun ang yawa magsige og singgit nga wala ang Dios, apan kamatuoran nagsulti sa sukwahi. Bisan asa anaa ang Dios.

Anaa siya sa tanang mga dapit ug panahon. Anaa siya nimo ug nako. Kini tungod kay ang Dios anaa man bisan asa.

Sa Unsang paagi atong mabansay ang pagka anaa sa Dios diha sa atong kinabuhi?

1. Atong Itahan ang atong Kaugalingon ngadto sa Dios

Sa tinuod lang malisud kining maong tinguha tungod kay ang kawalay pagsalig sa pamaagi sa Dios ug sa pagka sentro sa atong kaugalingong katakus mao man ang babag sa maong pagtahan.

Atong gihimo nga ang Diosnong pagbuot maoy mosunod sa atong kaugalingong pagbuot ug dili kita ang mosunod sa iyang pagbuot.

Unsaon pagsulod sa Dios sa atong kinabuhi kun pabiling tak-op ang atong kasingkasing sa iyang mga pagtuktok?

2.  Makanunayong Kukabildo ngadto sa Dios

Mahitabo lamang kini kun kita nahimong mohilom ug tagana nga maminaw.

Ang pag-ampo kahimanan sa pakighigala ngadto sa Dios matud pa ni Santa Teresa sa Avila.

Ang pag-ampo mao man ang kahigayonan nga atong hatagan og igong pagtagad ang kabubut-on sa Dios alang kanato.

Diha sa pag-ampo nahimo na kitang hubo. Kay diha sa pag-ampo kinahanglang wala kitay gitago. Kay bisan unsaon nato pagtago dili kita kaikyas sa Dios.