From rags-to-riches millionaires

Sa ato pa, literally, gikan sa kawad-on ug pagkaalaut, nagpaingon ngadto sa pagkabulahan ug pagka-adunahan - ug pagka-milyonaryo gayud. Mao kini ang atong hisgutan dinhi, unom ka milyonaryo sa America nga gikan sa ilang pagka-walay nahot, nahimong milyonaryo.

Immediately, makaingon kita nga mahimo diay nga mabuntog ang pagka ‘walay-palad’ sa atong pagpuyo niining kalibutan nga puno sa mga challenges ug mga pagsulay, aron kahatagan nato og kinabuhi (life) ang atong mga damgo ug pangindahay alang sa usa ka meaningful, prosperous ug thriving nga kinabuhi.

Dili kay magsige lang kita pag self-pity, pagbasul sa atong kaugalingon, niining atong pagkasukamod. Basulon usab nato ang pagkamadaug-daugon (bullly) nga kalibutan, ug atong pakasad-on ang mga tawo nga nag-alirong kanato.

Ang mga personalities nga atong hisgutan dinhi, adunay common nga hinungdan sa ilang paglampos: hard work, determination, ug sound advice. Paghago ug pagpatulo sa singot ug luha (dili shirt cut ug dili pinaspasan); hugot nga tinguha sa buot kab-uoton (determination); ug mga tambag gikan sa familya; kahigalaan nga dili moluib; ug gikan sa sinsero ug matinud-anon nga mga mentors ug counsellors.

Gumikan sa  wide niyang media exposure, wide usab ang kabantog ug popularity ni Oprah Winfrey, diin sama sa mga kauban niyang ‘rags-to-riches’ millionaires, wala siya ma-blinded sa nagtapun-og niyang kayamanan.

Naghunahuna siya sa needy nga kahimtang sa uban. Nagpaluyo siya sa mga charitable organizations, o nagpabarug og kaugalingon nga mga community-based volunteer works. Sa ato pa, iyang gipaambit sa uban ang iyang katigayunan. Wala kaniya ang greed.

Si Ophra, sample sa usa ka self-made millionaire, kinsa nagagikan sa usa ka yano nga panimuyo, hangtud nga iyang nakab-ot ang katumanan sa iyang mga damgo, sa paagi nga matarong. Samtang si Catherine L. Hughes, 64. founder ug chairperson sa Radio One, nga kasagaran nagtambag sa mga batan-ong entrepreneurs. Walay nagdahom (lakip siya) nga magmadaugon ug magmalampuson siya sa kinabuhi.

Usa siya ka school dropout, ug sa nag-edad pa og 16, nahimo na siyang inahan. Hinuon, later, nakatapus da siya pagtungha sa high school.

Despite sa limited niya nga edukasyon, nakakita siya of trabaho as an ordinary worker sa usa ka giant radio network nga maoy nahimong usa sa iyang mga mentors, una siyang nahimo nga lecturer sa Howard University, ug nahimong general manager sa university’s radio station; nakapalit sa una niyang radio station.

Sa ato pa, adunahan na siya.  Apan, atong lingion ang unang katuigan sa iyang kinabuhi. Nagbuwag sila sa iyang bana. Nangatulog sila uban sa yang anak sa sawog (floor) sa iyang gamay nga radio station, nga walay klarong kinitaan. Gitambagan siya sa iyang inahan pag-give up radio station business. Apan wala siya patuo.

Nilabay ang 32 ka tuig, ug akong usbon, despite sa limited niyang edukasyon, dugang sa iyang radio company, ang business empire ni Hughes naglakip sa TV One network, ug mga interactive ventures, sama sa NewsOne.com, ug HelloBeautiful.com. Ang iyang mga charitable efforts, naglakip sa iyang pagka-board member ug main benefactor sa Piney Woods School sa Mississippi, tunghaan sa mga indigent nga estudyante.

Ang laing upat ka ‘rags-to-riches’ millionaires, sa sunod natong lindog sa senior citizens.