Palm

Ugma sa Adlawa mao naman ang sinugdanan sa Semana Santa. Dominggo sa lukay kun Dominggo sa mga Palma. Sa pinulongang English gitawag kini og PALM SUNDAY.

Ning maong pulong PALM magsukad ang atong pamalandong. Kini naglangkob ning mosunod:

· P kun Prayer o Pag-ampo. Sa atong kinabuhi nahikalimot kita sa pagsulod sa presensiya sa Dios sa kapasikaran nga daghan nato ang nagdumili sa pagsulod sa maong presensiya. Maayo ug dili maayo ang atong kahimtang, angayan gihapon kitang mag-ampo.

· A kun Almsgiving. Ang paghatag og limos kanila nga nanginahanglan apan alang nako wala malakip niini ang mga tapulan. Kay ginaingon: LIhok tawo kay tabangan ko Ikaw.

· L kun Love o gugma. Gugma nga tungod niini maantigo kitang maminaw dili lang sa uban kondili sa atong kaugalingong mga mulo usab, usahay hero kaayo kita sa uban apan kaaway kita sa atong kaugalingon. Usahay dili kita makiangayon sa atong kaugalingon aron lamang ang uban lipayon,

· M kun Mortification. Usahay gikinahanglan ang pagdisiplina sa atong kaugalingon aron sa ingon atong makab-ot ang gitinguhang kahimsog ug kalingkawasan. Ang pagpitol sa lawas tambal man usab sa atong mga kalag.

Sa atong pagsulod sa semana santa unta makita nato nga ang mga palad sa Dios maoy bugtong mogiya kanato sa atong tagsa tagsa ka mga kapalaran.