EDITORYAL — Pagan tanan sa fake news
Dunay dakong tulobagon ang higanteng social media company nga Meta, ang nanag-iya sa Facebook, Instagram, WhatsApp, Meta Quest ug Meta Horizon Worlds bahin aning pagkuyanap aning mga fake news, misinformation, disinformation diha sa ilang plataporma.
Ang mga fake news ug mga sayop nga impormasyon kun magsige na gani ibalik-balik, ipasa-pasa ug ipakatap diha sa mga social media sites unya walay mosanta o mopahunong, sa kadugayan magtuo ang mga tawo nga tinuod kini.
Kun motuo na gani ang mga tawo bisan aning mga fake news, misinformation, disinformation ug mga black propaganda nga gipakatap sa mga binayrang troll farms ug mga diehard supporters, magdala gyud kini og gubot sa usa ka komunidad ug bisan sa tibuok nasud pa.
Kay aduna man gyuy mga tawo o mga netizens nga tarong nga mosaway ug mobadlong kanila. Dili sila motugot nga maguba ang Pilipinas tungod lang sa personal nga interes ug gigamit kining fake news aron makab-ot ang ilang gusto bisan sayop.
Ang mga representante sa Meta gipatawag niadtong adlaw nga Martes sa House Tri- committee hearing ug gikwestyon sila kun unsay ilang gipanghimong lakang pagsanta aning grabeng pagkatap og mga fake news.
Ang Meta dunay tulo ka mga pamaagi batok niini, pagtangtang sa content kun makalapas sa ilang community standards ilabi na kadtong makadaut nga mga impormasyon, gipagamyan ang distribusyon sa mga low-quality content apil kadtong kwestyonable ang unod ug naapil sa fact-checking ug tudloan ang mga users pagsabot sa unod sa mga contents ug kun unsay angay i-post ug i-share.
Usa sa maapektohan aning fake news mao ang mga kabataang nagsunod sab sa mga social media. Kay pulos na mga bakak ug puno sa kasilag nga mga posts ang ilang makita ug matanom kini sa ilang mga hunahuna ug kasing-kasing.
- Latest