Gustong kuhaon sa amahan ang bata

Dear Atty. Divine,

Aduna koy pangutana may labot sa akong illegitimate child. Ang bata anaa sa inahan ug naminyo kini og usa ka langyaw. Nagsuporta ko sa bata ug karon 8 anyos na siya. Ang inahan gikatakda nga molarga sa abroad kuyog ang iyang bana ug posible nga adto na kini mopuyo. Ang akong pangutana kun mamahimo ba nga akong kuhaon ang bata gikan sa inahan ug ako nay mo-custody niini? Daghang salamat. —Brandon

Dear Brandon,

Mas maayo nga makig-estorya ka sa inahan sa imong anak ug imo siyang hangyuon nga ikaw una ang mo-custody sa bata samtang atua siya sa abroad. Basi sa atong balaod, kun ang bata usa ka illegitimate child, ang inahan maoy angayan nga mo custody niini, apan kun boluntaryo niyang itugyan sa amahan ang bata wala say makapugong kaniya. Busa mas maayo nga makigsabot ka sa inahan aron di na mo kinahanglan nga modangop pa sa korte aron pag-settle niining maong issue. Thank you and God Bless. —Atty. Divine

Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.